સ્વચ્છતા અભિયાન :- દાહોદ જિલ્લો
- Get link
- Other Apps
સ્વચ્છતા અભિયાન :- દાહોદ
દાહોદ જિલ્લાના રાણાપુર ગ્રામ પંચાયત ખાતે થી સ્વચ્છતા કરી 'સ્વચ્છતા હી સેવા અભિયાન' નો જિલ્લા કલેકટર શ્રી યોગેશ નિરગુડે એ પ્રારંભ કરાવ્યો*"
૦૦
'સ્વચ્છતા સ્વભાવમાં અને સંસ્કારમાં લાવવા' અને દેશનો ખૂણે ખૂણો આપણું ઘર છે, એમ સમજી સ્વચ્છતા રાખવી પડશે:- કલેકટર શ્રી યોગેશ નિરગુડે
૦૦
દાહોદ:- રાજ્યભરમાં ૧૭ સપ્ટેમ્બર થી સ્વચ્છતા હી સેવા ૨૦૨૪ અંતર્ગત સફાઈ અભિયાન હાથ ધરવામાં આવ્યું છે. જે અંતર્ગત દાહોદ જિલ્લામાં ૧૭ સપ્ટેમ્બર થી શરૂ થતા 'સ્વચ્છતા હી સેવા અભિયાન' ૩૧ સપ્ટેમ્બર સુધી ચાલશે. હાલમાં દાહોદ જિલ્લાના રાણાપુર ગ્રામ પંચાયત ખાતેથી.જિલ્લા કલેકટર શ્રી યોગેશ નિરગુડે એ જિલ્લા કક્ષાના સ્વચ્છતા અભિયાન કાર્યક્રમની શરૂઆત કરાવી હતી. જિલ્લા કલેકટર શ્રી યોગેશ નિરગુડે તેમજ પ્રાંત અધિકારી સુશ્રી નીલાંજસા રાજપૂત દાહોદ મામલતદાર શ્રી મનોજ મિશ્રા તાલુકા વિકાસ અધિકારી શ્રી ચૌધરી સહિત ગ્રામજનો એ સ્વચ્છતા કરી વહીવટીતંત્ર સાથે લોકોને પણ સ્વચ્છતા અભિયાનમાં જોડાવા અપીલ કરી હતી.
જિલ્લા કલેકટર શ્રી યોગેશ નિરગુડે એ સ્વચ્છતા અભિયાનના જિલ્લા કક્ષાના કાર્યક્રમમાં જણાવ્યું કે, આ વખતે સ્વચ્છતા અભિયાનની થીમ 'સ્વચ્છતા સ્વભાવમાં અને સંસ્કારમાં લાવવી ' છે. દેશનો ખૂણે ખૂણે આપણું ઘર છે, એમ સમજી સ્વચ્છતા રાખવી પડશે. દરેક વ્યક્તિ સ્વચ્છતાને પોતાની જવાબદારી સમજે અને સ્વચ્છતા, અભિગમ કેળવશે, તો સ્વચ્છતા અભિયાન સાચા અર્થમાં પરિપૂર્ણ થશે. સ્વચ્છતાની જવાબદારી નિભાવતા સફાઈ કર્મીઓને સ્વચ્છતા યોધ્ધા ગણાવી કલેકટરશ્રી સફાઈ કામગીરીને બિરદાવી હતી.
આ પ્રસંગે શ્રી પ્રાંત અધિકારી સુશ્રી નીલાંજસા રાજપુત , મામલતદાર શ્રી મનોજ મિશ્રા, તાલુકા વિકાસ અધિકારી શ્રી ચૌધરી સહિત વિભાગના અધિકારીશ્રીઓ અને કર્મચારીઓ સહિત ગ્રામજનો જોડાયા હતા.
૦૦૦
- Get link
- Other Apps
Comments
Post a Comment