જિલ્લા કલેકટરશ્રી યોગેશ નિરગુડેના અધ્યક્ષ સ્થાને ' રન ફોરદાહોદ : યુનિટી ' હેઠળ બેઠક યોજાઈ

 

દાહોદ: જિલ્લા કલેકટરશ્રી યોગેશ નિરગુડેના અધ્યક્ષ સ્થાને ' રન ફોર યુનિટી ' હેઠળ બેઠક યોજાઈ

૦૦૦

સીટી ગ્રાઉન્ડ ખાતે યોજાનાર ' રન ફોર યુનિટી ' ની વ્યવસ્થા અંગે સમીક્ષા કરાઈ

૦૦૦

દાહોદ : દાહોદમાં જિલ્લા કક્ષાના " રન ફોર યુનિટી " નું આયોજન આવતી કાલે તારીખ ૨૯ ઓક્ટોબર ૨૦૨૪ ના રોજ સવારે ૦૭:૦૦ કલાકે સરદાર પટેલ સ્ટેડિયમ, સીટી ગ્રાઉન્ડ ખાતે જિલ્લા કલેકટરશ્રી યોગેશ નિરગુડેના અધ્યક્ષ સ્થાને દાહોદથી યોજવામાં આવશે. 

' રન ફોર યુનિટી ' નું પ્રસ્થાન સીટી ગ્રાઉન્ડથી પ્રારંભ થઈને વિશ્રામગૃહ, સરસ્વતી સર્કલ, ભગીની સર્કલ, તાલુકા પંચાયત સર્કલ થઈને સીટી ગ્રાઉન્ડ આવીને સમાપન થશે.

દાહોદ જિલ્લામાં યોજાનાર ' રન ફોર યુનિટી ' ના આયોજન અંગે જિલ્લા કલેકટરશ્રી યોગેશ નિરગુડેના અધ્યક્ષ સ્થાને વિડિઓ કોન્ફરન્સ સહિત બેઠક યોજવામાં આવી હતી. 

કલેકટરશ્રી યોગેશ નિરગુડેએ ' રન ફોર યુનિટી ' ના આયોજન - વ્યવસ્થા અંગે સમીક્ષા કરી જરૂરી સૂચનો કર્યા હતા. સાથે તમામ અધિકારીશ્રીઓને સંબોધતા કહ્યું હતું કે, વધુમાં વધુ નાગરિકો, અધિકારીશ્રીઓ તેમજ શિક્ષક મિત્રો આ દોડમાં ભાગ લે તે ઈચ્છનીય છે. ' રન ફોર યુનિટી ' દરમ્યાન આરોગ્યની ટીમને સજ્જ રહેવા સાથે પોલીસ વિભાગ, એન. એસ. એસ., એન. સી. સી. કેડેટ્સને પણ ભાગ લેવા જણાવાયું હતું.

આ બેઠક દરમ્યાન અધિક નિવાસી કલેકટરશ્રી જે. એમ. રાવલ, જિલ્લા ગ્રામ વિકાસ એજન્સી નિયામકશ્રી બી. એમ. પટેલ ઉપસ્થિત રહ્યા હતા. સાથે પોલીસ અધિક્ષકશ્રી રાજદીપસિંહ ઝાલાએ વર્ચ્યુઅલ માધ્યમથી હાજરી આપી હતી. ઉપરાંત પ્રાંત અધિકારીશ્રી મિલિન્દ દવે, પ્રાંત અધિકારીસુશ્રી જ્યોતિબા ગોહિલ, મામલતદારશ્રીઓ, નગરપાલિકા ચીફ ઓફિસરશ્રી યશપાલસિંહ વાઘેલા તેમજ સંબંધિત તમામ અધિકારીશ્રીઓ અને તાલુકા વિકાસ અધિકારીશ્રીઓ વર્ચ્યુઅલ માધ્યમથી જોડાયા હતા.

૦૦૦