દાહોદમાં ‘એક પેડ માં કે નામ’ સૂત્ર સાથે તાલુકાકક્ષાના ૭૫માં વન મહોત્સવ ઉજવાયો

દાહોદમાં ‘એક પેડ માં કે નામ’ સૂત્ર સાથે તાલુકાકક્ષાના ૭૫માં વન મહોત્સવ ઉજવાયો

મંત્રી શ્રી બચુભાઈ ખાબડના હસ્તે વન વિભાગની વિવિધ યોજનાના લાભાર્થીઓને સહાયનું વિતરણ કરાયું ૦૦ પંચાયત અને કૃષિ મંત્રી શ્રી બચુભાઈ ખાબડના હસ્તે એક છોડ આપીને એક પેડ માં કે નામ અભિયાનને વેગ વનતું કરવામાં આવ્યું ૦૦ મંત્રી શ્રીના હસ્તે પવિત્ર ઉપવનનું લોકાર્પણ કરવામાં આવ્યું ૦૦ દાહોદ:દાહોદ જિલ્લાના દેવગઢ બારિયા ના મોટકેલિયા ગામે અને ધાનપુર તાલુકાના નાકટી ગામે તાલુકા કક્ષાના ૭૫માં વન મહોત્સવની ઉજવણી પંચાયત અને કૃષિ મંત્રીશ્રી બચુભાઈ ખાબડના અધ્યક્ષસ્થાને ઉજવણી કરવામાં આવી હતી. આ ઉજવણીમાં "એક પેડ મા કે નામ" અભિયાન હેઠળ મુખ્ય અતિથિ અને પંચાયત અને કૃષિ મંત્રીશ્રી બચુભાઈ ખાબડ તેમજ મહાનુભાવો દ્વારા વૃક્ષારોપણ કરી મંત્રીશ્રી દ્વારા વૃક્ષ રથને લીલીઝંડી આપી રવાના કર્યો હતો અને રોપા વિતરણ પણ કર્યું હતું. આ પ્રસંગે પંચાયત અને કૃષિ મંત્રી શ્રી બચુભાઈ ખાબડએ જણાવ્યું હતું કે વન મહોત્સવ માત્ર એક ઉત્સવ નથી.તે પ્રકૃતિ પ્રત્યેની જાગૃતિ સાથે જવાબદારીનો પ્રતિબિંબ છે. વૃક્ષ વાવીને પર્યાવરણ બચાવવાના સરકારનાં અભિયાનમાં સહભાગી બનીએ. પર્યાવરણના જતન માટે વન સંપદાના સંરક્ષણ અને વન વિસ્તાર વધારવાના દર વર્ષે વન મહોત્સવની ઉજવણી કરવામાં આવે છે. કાર્બન ડાયોક્સાઈડ અને પોલ્યુશન ઘટાડવા વૃક્ષોનું જતન કરવું જોઈએ. વૃક્ષો માનવીને છાંયડો, ઑક્સીજન, ફળ, દવાઓ સહિતની જરૂરીયાતો સંતોષે છે. જેટલા વૃક્ષો વાવીએ તેને સારી રીતે ઉછેરવાની જવાબદારી પણ આપણી છે. વૃક્ષો એ એવી મૂડી છે જે બાળકોને મોટી ઉમરે એફ. ડી. તરીકે કામ લાગશે. સરકાર સાથે સંકળાયેલી સંસ્થાઓ સારી કામગીરી કરી રહી છે.વડાપ્રધાનશ્રી નરેન્દ્રભાઇ મોદી રીન્યુએબલ એનર્જી તરફ દેશને લઈ રહ્યા છે ત્યારે આપણેસૌ આ દિશામાં જોડાઈ દેશને સશક્ત બનવાવમાં સહભાગી બનવાનું છે.વધુમાં મંત્રી શ્રી એ ઉમેર્યું કે વડાપ્રધાનશ્રી નરેન્દ્રભાઈ મોદીએના “એક પેડ માં કે નામ” અભિયાન અંતર્ગત સામાજિક વનીકરણ વિભાગ દ્વારા શરૂ વર્ષે ૨૭ લાખ રોપાઓનું વિતરણ કરવામાં આવ્યું છે.જિલ્લાને હરિયાળો કરવાના ભગીરથ કાર્યમાં જિલ્લાના દરેક નાગરિક જોડાય તે માટે અનુરોધ કર્યો હતો.

દાહોદ સામાજિક વનીકરણ વિભાગના નાયબ વન સંરક્ષક શ્રી અમીત નાયક એ પ્રાસંગિક પ્રવચનમાં વન વિભાગની વિવિધ યોજનાની માહિતી આપી આ યોજનાઓનો લાભ લઇ વન વિસ્તારનો વિકાસ કરવા જણાવ્યું હતું. વધુમાં વધુ વૃક્ષારોપણ કરવા આહવાન કર્યું હતું. કાર્યક્રમમાં સામાજિક વનીકરણ વિભાગની વિવિધ યોજનાના લાભાર્થીઓને યોજના સહાયનું વિતરણ કરવામાં આવ્યું હતું. વન્ય પ્રાણી સંરક્ષણ યોજના હેઠળ ચેક વિતરણ કરવામા આવ્યું. આ પ્રસંગે જિલ્લા પંચાયતના કારોબારી સમિતિના ચેરમેન શ્રી ,તાલુકા પંચાયત પ્રમુખ શ્રી સરપંચ શ્રી સહિત વનવિભાગના અધિકારી શ્રીઓ અને મોટી સંખ્યામાં ગ્રામજનો ઉપસ્થિત રહ્યા હતા.

દાહોદમાં ‘એક પેડ માં કે નામ’ સૂત્ર સાથે તાલુકાકક્ષાના ૭૫માં વન મહોત્સવ ઉજવાયો ૦૦ મંત્રી શ્રી બચુભાઈ ખાબડના હસ્તે વન...

Posted by Info Dahod GoG on Saturday, August 17, 2024